Զարուհի Բաթոյան | Անմոռուկ

zaruhi-batoyan-bw

Հունվարի 9-ին, The Loft-ում տեղի ունեցավ Disabilityinfo.am կայքի խմբագիր Զարուհի Բաթոյանի «Անմոռուկ» գրքի շնորհանդեսը: Սա հեղինակի բանաստեղծությունների առաջին ժողովածուն է: 

Ականջօղերս դնեմ, գնամ քնելու…

Տոներն անցան,
հյուրերը գնացին:
Տարվա սկզբին ամենադժվարը ամսաթվերը ճիշտ գրելն է:
Հետո ոչինչ, կուղղվի ամեն ինչ:

 

Անմոռուկ
Ինձ մոռանալն այնքան հեշտ է.
Ես չեմ քայլում հանդիպակաց փողոցներով,
սրճարանում պատահաբար ինձ չես գտնի:
Նեղ ու փոքրիկ այս քաղաքում
ինձ մոռանալն այնքան հեշտ է:

 

Անկում

Ամեն անգամ,
հենց որ տերև է պոկվում ծառից,
ուզում եմ հասնեմ-գրկեմ,
որ անկման ցավը չզգա…

Պարզ ճշմարտություն

Բժիշկս ասում է՝
որ մեջքդ չցավի
աթոռի՛ն հենվիր,
հենարան է պետք…

Այս պարզ ճշմարտության համար
գնացել էի բժշկի…

 

Սիրում եմ

Ես սիրում եմ նրան,
ով չի հավատում իմ տխրությանը
և չի սիրում բանաստեղծություններս:

 

***
Ձմեռն իր երկնքի հետ խառնել է ինձ…
Ձյուների հետ խառնել չկարողացավ`
հալվեի գնայի…

 

Զարուհի Բաթոյանի բանաստեղծություններից ևս մեկ շարք  կարող եք  ընթերցել՝ Այստեղ

Share Button

2 Կարծիք

  • ՀՄ says:

    Սա համարվու՞մ է բանաստեղծություն: Չգիտես արդեն որերրորդ մարինե_պետրոսյանն է ծլում: Իսկապես գրաքննություն անհրաժեշտ է, Պետրհատի տարբերակով:

  • Վարդուհի says:

    Շաաաաատ լավն էին, կարճ տողեր, բայց սիրտ խոցելու չափ դիպուկ :((

Leave a Reply

Your email address will not be published. Required fields are marked *