Ի՞նչ է Գրանիշը
Գրանիշը գրողների, գրականագետների, հրատարակիչների և թարգմանիչների գրական բաց համայնք է, որի նպատակներն են` գրականության հանդեպ հասարակական կարծիքի բարեշրջությունը, հայ և հայերեն գրականության տարածումը, խոսքի ազատության և հեղինակային իրավունքի պաշտպանությունը, գրական շուկայի կայացումը Հայաստանում: Ստեղծվել է 2009-ին Երևանում` մի խումբ երիտասարդ գրական գործիչների կողմից: Ընտրելով «ընթերցանությունն առողջ ապրելակերպ է» կարգախոսը, մենք նպատակադրել ենք մեր հասարակության կենսակերպի լիարժեք ու բնական մասը դարձնել գիր ու գրականության հանդեպ սերը:
Այժմ դուք գտնվում եք ակումբի պաշտոնական կայքում` Granish.org:
Գրանիշը շահույթ չհետապնդող նախագիծ է: Բազմաթիվ հեղինակներ ու թարգմանիչներ անհատույց Գրանիշին են տրամադրում իրենց աշխատանքները հարապարակման և տարածման համար, ինչը մեր համատեղ ներդրումն է հայաստանյան գրական կյանքի աշխուժացման և գրական շուկայի կայացման գործում: Այս կայքի և Գրանիշի շատ այլ նախագծերի աշխատանքներն իրականացվում են մեր բազմաթիվ կամավորների ու համակիրների ջանքերով:
Փաստեր
- Granish.org-ը հայերեն ամենակարդացվող գրական կայքն է:
- Հայ ժամանակակից հեղինակների լավագույն գործերի ամենամեծ հավաքածուն Գրանիշում է հրապարակված:
- Արտասահմանյան գրականության անտիպ թարգմանությունների պարբերական հրապարակումներ:
- Գրականության և գրական դաշտի վերլուծություններ, ակնարկներ, էսսեներ, նորություններ:
- Արդեն ձևավորված և հետզհետե աճող կայուն լսարան Հայաստանում և սփյուռքում:
Ինչպե՞ս հրապարակվել Գրանիշում
«Գրանիշ» կայքում կամ հանդեսում հրապարակվելու համար անհրաժեշտ է ձեր ստեղծագործությունն ուղարկել granish@ymail.com էլեկտրոնային հասցեին:
Նյութերը չեն գրախոսվում:
Հրապարակված նյութը կայքից հեռացման ենթակա չէ:
