Գրանիշ հրատարակչություն

Գրանիշ հրատարակչությունը «Գրանիշ» գրական համայնքի հրատարակչական նախագիծն է, որի գլխավոր նպատակը ոչ թե գրահրատարակչական բիզնես ծավալելն է, այլ հայերեն գրական արժեքների ստեղծումը, ժամանակակից գրողի ներկայացվածության ապահովումն ու գրքի մշակույթի զարգացումը։

Մենք հավատացած ենք, որ գրականության զարգացումը ենթադրում է նաև գրական ռիսկի ստանձնում։ Այդ պատճառով «Գրանիշ» հրատարակչության առանցքում ժամանակակից հայ հեղինակների տպագրությունն է․ մենք առաջնահերթություն ենք տալիս փորձարարական, գեղարվեստական նորարարությամբ աչքի ընկնող, ինչպես նաև սկսնակ, բայց մեծ ներուժ ունեցող գրողների աջակցությանն ու նրանց մուտքին մեծ գրականություն։

Մենք տպագրում ենք գրքեր, որոնք կարող են չունենալ զանգվածային կոմերցիոն պահանջարկ, բայց ունեն առանցքային նշանակություն հայերեն գրական ընթացքի, լեզվի որակի և գեղագիտական որոնումների համար։ Այդ պատճառով մեզ համար թանկ է յուրաքանչյուր աջակցություն․ մեր գրքերը գնելը, ընթերցելն ու տարածելը լավագույն օգնությունն են մեր գործին և մեծապես նպաստում են մեր առաքելության շարունակականությանը։

Թարգմանական նախագծեր և միջմշակութային կապեր

Հայ ժամանակակից գրականությունն ուշադրության կենտրոնում պահելուն զուգահեռ՝ «Գրանիշ» հրատարակչությունը նախաձեռնել է արևելյան թարգմանական գրքերի հատուկ շարք։

Կենտրոնանալով չինական և ճապոնական դասական ու ժամանակակից գրականության անտիպ թարգմանությունների վրա՝ նպատակ ունենք ամրապնդել միջմշակութային երկխոսությունն ու հայ ընթերցողին հաղորդակից դարձնել Արևելքի խորքային, ինքնատիպ գեղագիտությանն ու փիլիսոփայությանը։ Այս շարքը հայերեն թարգմանական դպրոցի հարստացման մեր հետևողական քայլերից է։

Գրքերի տարածում և հասանելիություն

«Գրանիշի» հրատարակած ավելի քան երեք տասնյակ անուն գրքերն այսօր կազմում են ժամանակակից հայ գրականության ամենապահանջված ու ներկայանալի հավաքածուներից մեկը։

Մեր հրատարակությունները հասանելի են լայն ընթերցողին․

• Գրախանութային ցանց․ Վաճառվում են Հայաստանի Հանրապետության բոլոր առաջատար գրախանութներում։

• Փառատոներ և ցուցահանդեսներ․ Հանրապետական բոլոր գրական փառատոներին ու գրքի տոնավաճառներին հրատարակչությունը ներկայանում է առանձին տաղավարով։

Հրատարակությունների կառուցվածքն ըստ ժանրերի (Թվային արխիվ)

(Ստորև ներկայացված են այս պահի դրությամբ տպագրված գրքերի ցանկն ու վիճակագրությունը, որը պարբերաբար թարմացվում է)․