«Տեսագրում եմ»,- ասում է ձայնը` առանց պատկերի: Մենք տեսնում ենք քեզ մի քիչ մոլորված` ասես չէիր սպասում: Ձեռքով ողջույնի նշան ես անում ու կաշկանդված հարցնում`«խոսե՞մ»: - Հա, կարող ես արդեն:
Հիմա Երեւանը անդառնալիորեն վերադառնում է անցած դարասկզբի իր կարգավիճակին, երբ ոչ մի առնչություն չուներ Կովկասի եւ Փոքր Ասիայի արդյունաբերության, առեւտրի, քաղաքաշինության բուռն ծաղկման հետ:
Այդ օրերին փոքրիկ տղաներն իրենց բռունցքները չափում էին պապաների բռունցքների հետ, դնում սև ու կոշտ ափերի մեջ, ու պստիկ տղերքի պստիկ բռունցքները լորի ձվի չափ փոքրանում-ճերմակում էին:
