Ռոբերտ Ռոժդեստվենսկի

Ռոբերտ Ռոժդեստվենսկին (ի ծնե՝ Ռոբերտ Պետկևիչ, 1932-1994) ռուս խորհրդային հայտնի բանաստեղծ, թարգմանիչ և երգերի հեղինակ էր։ Նա ունեցել է դժվար մանկություն. ծնողների բաժանումից և հոր զոհվելուց հետո մեծացել է հարազատների խնամքի տակ և մանկատանը, ապա որդեգրվել խորթ հոր կողմից՝ ստանալով նրա ազգանունը։ 1951 թվականին ընդունվել է Մոսկվայի Գրականության ինստիտուտ, որտեղ ուսանելու տարիներին հրատարակել է իր առաջին ժողովածուները՝ «Флаги весны» (1955) ու «Испытание» (1956) ժողովածուները, տպագրվում է «Моя любовь» (1955) պոեմը։ 1955 թ. Ռոժդեստվենսկին պրակտիկան անցկացնում էր Ալթայում, որտեղ ծանոթանում է այդ ժամանակ դեռ կոնսերվատորիայում սովորող Ալեքսանդր Ֆլյարկովսկու հետ. վերջինիս հետ միասին Ռոժդեստվենսկին գրում է իր առաջին երգը՝ «Твоё окно»։ 1972 թ. Ռոժդեստվենսկին ստանում է լենինյան կոմերիտմիությանի մրցանակ, իսկ 1979 թ. դառնում է ԽՍՀՄ պետական մրցանակի դափնեկիր։ Իր բեղմնավոր գործունեության համար նա արժանացել է ԽՍՀՄ պետական և Լենինյան կոմերիտմիության մրցանակների։ Մահացել է 1994 թվականին Մոսկվայում՝ ինֆարկտից, իսկ 1997 թվականին նրա հիշատակին է անվանակոչվել № 5360 փոքրիկ մոլորակը։