Վելրի Պետկով

Վալերի Պետկովը ծնվել է 1950 թվականին Կիևում։ Մանկությունն անցկացրել է Աստրախանում, միջնակարգ դպրոցն ավարտել՝ Օրենբուրգում, իսկ ժամկետային զինվորական ծառայությունն անցել է Լիտվայում՝ որպես տանկային զորքերի մեխանիկ-վարորդ։ Ավարտել է Ռիգայի քաղաքացիական ավիացիայի ինժեներների ինստիտուտը։ Տարբեր պաշտոններում աշխատել է Ռիգայի ձեռնարկություններում, թերթերի խմբագրություններում, եղել է Լատվիական ռադիոյի տեղեկատվության գլխավոր խմբագրության խմբագիր։ 1986 թվականի մայիսից հուլիս պահեստազորից զորակոչվել է և որպես ռադիացիոն-քիմիական հետախուզության վաշտի հրամանատարի տեղակալ՝ մասնակցել Չեռնոբիլի ԱԷԿ-ի օտարման գոտում վթարի հետևանքների վերացման աշխատանքներին։ Նրա ստեղծագործությունները տպագրվել են «Նիժնի Նովգորոդ», «Ուրալ», «Litteratura», «Սիբիրսկիե օգնի», «Սևեռնայա Ավրորա», «Դաուգավա», «Նաուկա ի տեխնիկա», «Բելի վորոն», «Օսոբնյակ», «Խրուստալնայա մեդուզա» և այլ պարբերականներում։ Հեղինակ է հետևյալ գրքերի՝ «Մանկության սայթաքուն ձուկը» («Скользкая рыба детства», ընդգրկվել է «Ռուսական մրցանակ — 2013»-ի երկար ցանկում) «Թաց ջուր» («Мокрая вода») «1000 + 1 օր» («1000 + 1 день») «Ճահճով նապաստակ էր վազում…» («Бегал заяц по болоту…») «Հին քուրջ» («Старая ветошь») «Օկուպանտներ» («Оккупанты») «Կամերտոն» («Камертон») «Խիբակուշա» («Хибакуша») Նրա գործերը թարգմանվել են լատիշերեն, լեհերեն և սերբերեն։ Ապրում է Ռիգայում (Լատվիա)։