Ավելի միայնակ կլինեի
Առանց Մենության—
Ես այնպես սովորել եմ իմ Ճակատագրին,
Գուցե այն Մյուսը—Խաղաղությունը—
Կճեղքի Մթությունը—
Եվ կլցնի փոքրիկ Սենյակը—
Որ նեղ է չափազանց—արմնկաչափերով—տեղավորելու
Խորհուրդը—Նրա—
Ես սովոր չեմ Հույսին—
Այն կարող է ներխուժել—
Իր գրավիչ շքերթով—և անարգել սենյակը—
Որ դատապարտված է տառապանքի—
Գուցե ավելի հեշտ կլիներ
Կորցնել—Ցամաքն՝ Աչքի առաջ—
Քան ստանալ—Իմ Կապույտ Թերակղզին—
Եվ կործանվել—Բերկրանքից—
Թարգմանությունը անգլերենից՝ Սոնա Դաբաղյանի
