Անաստասիա Ստրոկինա

Անաստասիա Իգորևնա Ստրոկինա (ծնվ. 1984 թ. օգոստոսի 27, Լուոստարի, Մուրմանսկի մարզ) — ռուս-մոլդովական մանկագիր, արձակագիր, բանաստեղծ և թարգմանիչ, փիլիսոփայական հեքիաթի ժանրի ժամանակակից ներկայացուցիչ: Մոսկվայի գրողների միության և «Գրական թարգմանության վարպետներ» գիլդիայի անդամ: Կրթություն. Ավարտել է Ա. Մ. Գորկու անվան գրականության ինստիտուտը (2007 թ.), ՌԳԱ Համաշխարհային գրականության ինստիտուտի ասպիրանտ է: Ստեղծագործություն. Դեբյուտային մանկական գիրքը «Կետը լողում է դեպի հյուսիս» (2015 թ.) վիպակն է, որն արժանացել է քննադատների բարձր գնահատականին: Հայտնի մանկական գրքերից են նաև «Դերժիոբլակո»-ն, «Նելսոն կատվի իններորդ կյանքը» և «Ութ րոպե» բանաստեղծությունների ժողովածուն: Թարգմանական գործունեություն. Թարգմանում է անգլերենից, իտալերենից, ֆրանսերենից և դանիերենից (թարգմանել է Հ. Ք. Անդերսենի «Բթամատիկը», ինչպես նաև Ու. Բլեյքի, Թ. Էլիոտի, Ու.Օդենի և այլոց պոեզիան): Նրա ստեղծագործություններն ու թարգմանությունները տպագրվել են առաջատար գրական ամսագրերում, իսկ գրքերը թարգմանվել են բազմաթիվ լեզուներով և ընդգրկվել Մյունխենի Միջազգային երիտասարդական գրադարանի ֆոնդում: