Բորիս Լեյբով

Բորիս Լեյբովը (ծնվ. 1983 թ., Մոսկվայում), ռուսաստանցի և իսրայելցի արձակագիր ու նովելիստ է։ Ավարտել է Գլազգոյի համալսարանի սոցիալական գիտությունների ֆակուլտետը և Սցենարիստների ու ռեժիսորների բարձրագույն դասընթացները (Օլեգ Դորմանի արվեստանոց, 2007 թ.): 2013 թվականին ներգաղթել է Իսրայել։ Լեյբովը «Stars Up» (2016 թ.) և «Նոր հայացք» II միջազգային մրցույթների դափնեկիր է (ժյուրիի մրցանակ՝ «Բաբուշկա» կարճամետրաժ ֆիլմի սցենարի համար, 2017 թ.): Նրա պատմվածքներն ու արձակ գործերը տպագրվել են «Знамя», «Дружба народов», «Иерусалимский журнал» և «Крещатик» հեղինակավոր ամսագրերում։ Այժմ ապրում է Մոսկվայում և Ռիշոն լե Ցիոնում (Իսրայել)։