Ես գիտեմ՝ կսպասեմ
մինչ դու մտածես, որ ունես ժամանակ՝
երեկոն ինձ հետ անցկացնելու համար
Եվ, եթե մենք գնանք ինչ-որ տեղ պարելու,
գիտեմ՝ հնարավոր է
չհեռանաս ինձ հետ:
Իսկ դրանից հետո մենք մի հանգիստ,
փոքրիկ վայրում կկորենք,
կխմենք մեկ-երկու բաժակ
Հետո ես կգամ ու կփչացնեմ ամենը՝
ասելով շատ հիմար մի բան,
ինչպես՝ ես սիրում եմ քեզ:
Ես կարող եմ տեսնել քո աչքերում`
չես նկատում այն հին ստերը,
որ լսել ես նախորդ գիշեր:
Եվ, չնայած դա քեզ համար մի պահ է միայն,
ինձ համար այն իրական է
և երբեք չէր թվացել այսքան ճիշտ:
Ամեն օր փորձում եմ որևէ խելամիտ
առիթ գտնել ասելու
և նպատակն իրական դարձնելու,
Բայց հետո մտածում եմ՝
սպասել մինչ ուշ երեկո:
Եվ ես մենակ եմ քեզ հետ.
Պահը ճիշտ է,
քո օծանելիքը ողողում է գլուխս,
աստղերը կարմրում են,
և գիշերն այնքան կապույտ է…
Բայց ահա ես կփչացնեմ ամենը՝
ասելով այնքան հիմար մի բան,
ինչպես՝ ես սիրում եմ քեզ
ես սիրում եմ քեզ…
Թարգմանությունը անգլերենից՝ Նոռա Գրիգորյանի
