Լուսանկարը` Էդգար Մարուքյանի
Մարտի 26-ին Բյուրոկրատ գրախանութում կայացավ Գրանիշ հանդեսի հիմնադիր համարի շնորհանդեսը:
Ամսագրի առաջին համարը կրում է «Գրանիշ լեզվանի – թե ինչպես լեզուն ստեղծեց գրականությունը և գրականությունը ստեղծեց լեզու» անունը:
Ստորեւ ներկայացնում ենք Գրանիշ հանդեսի լույս ընծայման առթիվ զանգվածային լրատվամիջոցների անդրադարձները:
–
Հրապարակ.am / Գրանիշը ծնվեց
Առաջին համարը նվիրված է լեզվին: Ամսագրում ներկայացված են տարբեր լեզվաշերտեր ներկայացնող` ժամանակակից հայ հեղինակների Տիգրան Պասկեւիչյանի, Մարինե Պետրոսյանի, Հասմիկ Հակոբյանի, Հրաչյա Սարիբեկյանի, Աննա Դավթյանի, Գրիգոր Պըլտյանի, Արամ Պաչյանի, Կարեն Անտաշյանի եւ այլ հեղինակների անտիպ ստեղծագործություններ, ինչպես նաեւ օտարազգի գրողների` Նոբելյան մրցանակի դափնեկիր Վ. Ս. Նայփոլի, Կլաուդիո Մագրիսի, Սերժ Մեզոնիեի եւ այլոց առաջին անգամ հայերեն թարգմանված ուշագրավ էսսեներ, բանաստեղծություներ եւ հոդվածներ: [ամբողջը]
——————
Ազատություն Ռադիոկայան
Լույս է տեսել «Գրանիշ» գրական հանդեսը, որ կարելի է համարել համանուն ինտերնետային կայքի տրամաբանական շարունակությունը կամ կատարվող աշխատանքի հաջորդ փուլը: [ամբողջը]
——————
Ազգ
«Գրանիշ» գրական ակումբի եւ «Անտարես» հրատարակչության համագործակցությամբ լույս է տեսել «Գրանիշ» գրական հանդեսը: Հանդեսի համարները թեմատիկ են լինելու: Առաջին համարը, որն ունի «Գրանիշ լեզվանի-Թե ինչպես լեզուն ստեղծեց գրականությունը, եւ գրականությունը ստեղծեց լեզու» անունը, նվիրված է գրականություն-լեզու փոխհարաբերությանը: «Գրանիշի» հեղինակները հուսով են, որ հանդեսը նոր հարթակ կդառնա գրականության քարոզման ու արդի հայ գրականության հեղինակությունը բարձրացնելու համար: [ամբողջը]
——————
Հրապարակ.am / Սպասենք արդյունքներին
Այդ փչված հանճարները հիմա էլ հանգիստ չեն թողնում մարդկանց, նրանց ուրվականները թափառում են ամենուր: Փորձեք չհավանել մի ինչ-որ հայ «հանճարեղ» պոետի բանաստեղծություններն ու կտեսնեք հետեւանքը` տափակ հանդիմանանքներ ու ճոռոմ-ճոռոմ կարծիքներ: Փառք տանք Աստծուն, որ հայ «հանճարեղ» գրողների ժամանակներն անցնում են, թե չէ մյուս սերունդը լրիվ կքաշվի, խեղճերի ուղեղները կրկին կարդուկվեն «հանճարեղ» գործերով, որոնց տակ կճկվեն նրանց հոգիներն ու մարմինները: [ամբողջը]
——————
PanARMENIAN.Net
18 марта вышел в свет первый номер литературного журнала “Знак” (Граниш), изданного одноименным литературным клубом и издательством “Антарес”. Каждый номер журнала будет тематическим. По словам авторов, подобный формат журнала носит стратегический характер. Журнал призван представить читателям полную картину событий и явлений культурной сферы Армении. [ամբողջը]
——————
NeoNews.am
Գրական հանդեսները կոչված են գրականության հարուստ բովանդակությունն ու գրքային կերպարը ամբողջացնել պարբերականի` հեշտ ու տարածելի էջերում` չկորցնելով թեմայի արդիականությունն ու գրականության, որպես մնայուն արժեքի, կարեւորության գիտակցումը: Հայ իրականության մեջ նման պարբերականները թողել են իրենց հետքը` ստեղծելով մատչելի ու ամեն դարաշրջանին բնորոշ պատկեր: «Հյուսիսափայլ», «Նավասարդ», «Գարուն» եւ այլն: [ամբողջը]
——————
yerevan.ru
26-ого марта в «Бюрократе» состоялось важное для читающей общественности событие – презентация первого номера литературного журнала «Գրանիշ». Истоками он восходит к одноименному электронному литературному клубу, созданному в 2009-ом году молодым поэтом Кареном Анташяном. Журнал издан благодаря финансовой поддержке издательства «Антарес» и творческой работе редакторской коллегии. Это поэт Карен Анташян, литературоведы Аркменик Никогосян и Асмик Акопян, писатель-прозаик Арам Пачян, поэт, переводчик, публицист Ашот Габриелян. Все они, а также директор издательства «Антарес» Армен Мартиросян, присутствовали на презентации, отвечали на вопросы журналистов. [ամբողջը]
——————
Ա1+
Ի դեպ, «Գրանիշ ակումբ»-ի առցանց նախագիծն ընդամենը մեկ տարվա ընթացքում բավականին ընթերցողներ է ձեռք բերել: Ենթադրվում է, որ տպագիր պարբերականը ևս հաջողություն կունենա: [ամբողջը]
——————
Մարդիկ.am
Գիտության և տեխնիկայի արդի դարաշրջանում մարտահրավերներից ամենակարևորը, ինչպես նշվում է հանդեսի առաջաբանում, թերևս, ընթերցանության հանդեպ գրեթե անտարբեր վերաբերմունք ունեցող համացանցային սերնդի, իբրև հայալեզու նոր ընթերցողի պատրաստումն է և գրաշրջանառության նոր համակարգի հիմքերի ստեղծումը: Այդ կերպ «Գրանիշը» փորձելու է ինչ-որ չափով ազատագրել արդի հայ գրականությունը կրկնաբանությունների տաղտուկից ու նրա հանդեպ առկա հանրային կույր մերժողականությունը փոխել հետաքրքրվածության, սրտացավության ու հոգածության: [ամբողջը]
——————
Եթե ինչ-որ կարևոր հրապարակում բաց եմթողել, խնդրում եմ նշել մեկնաբանության մեջ
Սիրելի Գրանիշցիներ, սիրելի Արքմենիկ, սիրելի Կարեն, …
Շնորհավորանքներս Գրանիշ հանդեսի անդրանիկ համարի լույս ընծայման առթիվ:
Ցավոք տարածական հեռավորության պատճառով այն դեռևս իմ ձեռքը չի ընկել, բայց հավատացեք, անչափ ուրախ եմ և վստահ, որ նախանձախնդիր շնորհալիների ձեր համքարությունը ձեռնարկը սպասված երջանիկ հանգրվանի կհասցնի:
Բարի երթ և անփոթորիկ նավարկություն դեպի հոգու ու մտքի առեղծվածների աշխարհը…
Շնորհակալ ենք շատ:
Շնորհավոր լինի ու նաեւ շատ-շատ վաճառք: Ափսոս, չեմ իմացել` լուսաբանեինք:
Շնորհավորում եմ, շատ լավ գործ եք անում…