Cultural.am-ը ՀՀ սպորտի և երիտասարդության նախարարության աջակցությամբ հուլիսի սկզբին Ծաղկաձորի գրողների միության ստեղծագործական տանը կազմակերպում է եռօրյա ակադեմիա պատանի և երիտասարդ գրողների, կոմպոզիտորների և նկարիչների համար:
Ակադեմիային մասնակցելու համար կարող են դիմել 16-25 տարեկան բոլոր ստեղծագործողները: Դիմորդները պետք է mshakutayin@gmail.com էլեկտրոնային հասցեին ուղարկեն.
գրողներ՝
1-2 արձակ գործ կամ 5 բանաստեղծություն, CV և 1 լուսանկար
կոմպոզիտորներ՝
2 պարտիտուր /ցանկալի է ձայնագրությամբ/, CV և 1 լուսանկար
նկարիչներ`
3 նկարի ֆոտո /պարտադիր բարձր որակի/, CV և 1 լուսանկար:
Ընտրված մասնակիցները վարպետության դասերի համար պատրաստելու են հետևյալ նյութերը.
գրողներ՝
մի քանի նոր գրված բանաստեղծություն կամ 1 նոր արձակ ստեղծագործություն
կոմպոզիտորներ՝
1 նոր ստեղծագործություն 2 գործիքի համար
(5-8 րոպե տևողությամբ, գործիքները կհայտարարվեն արդյունքների հետ միասին)
նկարիչներ՝
1 կամ 2 աշխատանք (կտավի կամ թղթի վրա, ինստալյացիա, վիդեո…):
Մասնակիցների ծախսերը հոգում է Cultural.am-ը՝ նախարարության աջակցությամբ:
Նոր ստեղծագործությունները կներկայացվեն Երևանում՝ Նարեկացի Արվեստի Միության դահլիճում, եզրափակիչ երեկոյի ընթացքում: Կոմպոզիտորների ստեղծագործությունները կատարելու են «Նոր Անսամբլի» սոլիստները:
Դասախոսները կհայտարարվեն մայիսի 10-ից հետո:
Հայտերն ընդունվում են մինչև մայիսի 28-ը: Ընտրված մասնակիցների ցուցակը կհայտարարվի հունիսի 1-ին: Լրացուցիչ տեղեկությունների համար կարող եք գրել mshakutayin@gmail.com էլ. հասցեով կամ զանգահարել 094 497601 հեռախոսահամարով:
