Կրի՛ր Սպիտակ մարդու բեռը հպարտ
Ու քո հպատակների համար
Ուղարկի՛ր որդիներիդ հարազատ
Մինչև ծայրը աշխարհի,
Դժվար աշխատանք, ըննդեմ խավարի
Ու անհանգիստ վայրենիների,
Որ նման են կես մարդու, կես դևի
Կրի՛ր Սպիտակ մարդու բեռը հպարտ
Եղի՛ր գործուն ու հաստատուն,
Մի՛ տրվիր երբեք վախին
Ու մի՛ հաշվիր խոսքերը զրպարտ
Բառը hասարակ ու պարզ
Կրկնի՛ր 100 անգամ թեկուզ
Մի՛ կշտամբիր հպատակին քո,
Որ բերքդ լինի առատ արևի ներքո
Կրի՛ր Սպիտակ մարդու բեռը հպարտ
Ստիպի՛ր հիվանդությանը չզգալ իրեն անպարտ
Պայքարի՛ր խաղաղության համար այլոց
Սովի բերանին դի՛ր հավերժական գոց,
Սակայն որքան մոտ լինես հաղթանակին,
Այնքան կտեսնես սուտը դավաճանական
Անպատասխանատվությունն հեթանոսական
Կրի՛ր Սպիտակ մարդու բեռը հպարտ
Ոչ որպես ամբարտավան թագավոր,
Այլ եղի՛ր սև գործին պատրաստ
Գիշեր ու զօր աշխատող բանվոր
Այս կյանքում դժվար թե տեսնես
Ճեպընթաց, կառամատույց ու կամուրջ
Բայց լավ կլինի, թե դրանք կառուցես
Դառնալով եկող սերունդների հույսերի անուրջ
Կրի՛ր Սպիտակ մարդու բեռը հպարտ
Ու որպես պարգևատրություն
Կստանաս հրամանատարներից նկատողություն,
Ու աղաղակներ վայրի ցեղերի
«Ին՞չ ես մեզնից ուզում, մարդ անիծյալ,
Ինչու՞ ես պղտորում մեզ մտքերով քո ծպտյալ,
Մի՛ տար մեզ դեպի լույսը վաղորդյան
Երանավետ է խավար քունը Եգիպիտյան
Կրի՛ր Սպիտակ մարդու բեռը հպարտ
Ու թեև չգնահատված ջանքը
Օ՜, շատ բարձր հառաչանքը
Հոգնածությունն են քո մատնում
Այն, ինչ որ հիմա ես անում
Ու դեռ պատրաստ ես բանել
Լուռ ազգը կսկի բարբառել
Քեզ ու քո Աստծուն
Կրի՛ր Սպիտակ մարդու բեռը հպարտ
Անհաս լինելով երիտասարդական կյանքին
Մոռացի՛ր հեշտ փառքի մասին
Հիմա հասունությունը քո
Ու անհնազանդությունը ճակատագրին
Քեզ հավասարների
Սթափ դատարանը կգնագատի
Թարգմանությունը Ալբինա Մուրադյանի
