ՀԵՐԹԱ ՄՅՈՒԼԵՐ / գրականության նոբելյանակիր – 2009

Գրականության ասպարեզում 2009 թվականի Նոբելյան մրցանակին արժանացել է գերմանուհի գրող Հերթա Մյուլերը։
«Գրողն իր երկերում ամենայն մանրամասնություններով նկարագրել է առօրյա կյանքը լճացած դիկտատուրայի պայմաններում», – ասվում է Շվեդիայի ակադեմիայի տարածած հաղորդագրությունում։
Մյուլերը դարձավ Նոբելյան մրցանակին արժանացած 12-րդ իգական սեռի ներկայացուցիչը: Մինչ այդ նա արդեն արժանացել է մի շարք, այդ թվում Հենրիխ Կլեյստի, Ֆրանս Կաֆկայի, Յոզեֆ Բրոյտբախի անվան մրցանակներին: Իսկ ոչ պակաս հեղինակավոր Դուբլինյան մրցանակին Մյուլերը արժանացել է 1998 թ-ին` “Herztier” պատմվածքի համար: Գրականության ասպարեզում Նոբելյան մրցանակի արժանացած նախորդ գերմանացին եղել է Գյունտեր Գրասսը` 1999 թ-ին:
Մյուլերը ծնվել է 1953 թ. Ռումինիայում` գերմանացիներով բնակեցված ավանում։ 1982 թ-ին հրատարակել է իր առաջին պատմվածքը գերմաներեն լեզվով: 5 տարի անց ամուսնու հետ տեղափոխվել է Գերմանիա: Մյուլերի հաղթանակը վաղուց էր կանխատեսվել ուսումնասիրողների կողմից: Մյուլերը հիմնականում հայտնի է իր պրոզայիկ ստեղծագործություններով, սակայն 2000թ. նա լույս ընծայեց իր “Im Haarknoten wohnt eine Dame”բանաստեղծությունների հավաքածուն:
Նոբելյան մրցանակի գումարը կազմում է 10 միլիոն շվեդական կրոն` շուրջ 970 հազար եվրո: Մրցանակակիրների պատվին տրվելիք հանդիսավոր երեկույթը տեղի կունենա 2009 թվականի դեկտեմբերին` Ստոքհոլմում:
Անցյալ տարի գրականության ասպարեզում մրցանակին արժանացել է ֆրասիացի գրող Ժան Մարի Գյուստավ Լեկլեզոն, իսկ դրանից մեկ տարի առաջ` բրիտանացի գրող Դորիս Լեսսինգը: Գրականության ասպարեզում Նոբելյանը մրցանակը հանձնվում է 1901 թվականից: Մրցանակն իր պատմության ընթացքում միայն 7 անգամ չի հանձնվել` 1914, 1918, 1935, 1940, 1941, 1942 և 1943 թվականներին; Չորս անգամ մրցանակը տրվել է երկու գրողի միաժամանակ:

Share Button

3 Կարծիք

  • Խաչիկ says:

    Շատ տարօրինակ է, որ Նոբելյանը շարունակում են տալ մարդկանց, ովքեր դեռ գրում են դիկտատուրայի մասին: Ինքս չեմ կարդացել Մյուլլերին, քանի որ ռուսերենով նրա գործերը դեռ չկան, սակայն որքան որ կարդացել եմ իր մասին, Մյուլլերը անընդհատ գրում է ֆաշիզմի, հոլոքոստի մասին… կարծում եմ այդ թեման, եթե անգամ չի սպառվել, ապա գոնե պետք էլ չի էդպես պարգևատրել ու բարձրացնել… կային շատ ավելի արժեքավոր գրողներ, որոնք արժանի էին լավագույնի կոչմանը

  • Սերինե says:

    Կարդացել եմ նրա բանաստեղծությունները, բայց թույլ թվացին: ասու են արձակը տղամարդկանց դաշտն է, բայց դե նա ուժեղ է արձակում:

  • Սերինե says:

    ասում 🙂

Leave a Reply

Your email address will not be published. Required fields are marked *