Ոչ մի բառ այլևս,-
Կարծում եմ՝ դու չես հասկանա,
Ես միշտ մերժել եմ ինքըս դա
Ողջ կյանքում…
Ոչ մի բառ այլևս,-
Իմ արարքի մեջ մեղք չկա,
Հանդիմանում ես երբ այդքան՝
Չեմ ամաչում,-
Կես ճիշտ ես դու…
Մշտապես՝
Խեղճացնելով փորձել ես դու
Ինձ դարձընել տան ծաղրածուն,
Ու՝ թեև
Ես չեմ բռնում պահանջներիդ,
Ինձ միևնույն է, և էլի՝
Սիրել եմ քեզ այն ժամանակ,
Սիրում եմ դեռ…
Կրկներգ
Կուզես ճշմարտությո՞ւնը,-
Ես մի սխալ եմ կատարել,
Որից անզոր եմ ազատվել,-
Ո՜նց անենք բա…
Մի ձգված՝
Կապույտ հնչյուն է ինձ գերում,
Հետապնդում է օրնիբուն՝
Որպես անցյալ սիրո տեսիլք
Անվերջ ինձ հետ…
Բայց այլևս ո՛չ մի բառ,-
Հեշտ չէ ինձ հետ՝ ես դա գիտեմ,
Քո շարժումին այդ դիմադրել
Ես չեմ կարող…
Վա՛տ է, որ՝
Դեռ ինչքան բան կար անելու,
Իսկ մենք օրերը մսխելով
Թալանեցինք մեզ…
Անընդհատ
Ստիպել ես ինձ այս անիմաստ
Մեղքը վերցնել միշտ ինձ վրա,
Բայց հիմա՝
Կարո՞ղ ես՝ ետ շրջվիր մի պահ
Ու տես թե ինչն՝ ինչպես եղավ,-
Ի՛նչ արեցինք մենք…
Զարմանում եմ՝
Ի՞նչ ես գտել դու իմ մեջ.-
Ասա ինձ՝ դա սե՞ր էր,
Սե՞ր էր իսկապես…
Կրկներգ
………………………
Ու թեև՝
Դու մտածում ես թե՝ իբրև
Դա հենց պատճառն է իմ անկման,
Բան չկա՝
Ես օրհնված եմ… Եվ գիտե՛ս՝
Այստեղ եմ մշտապես:
Գեղարվեստական թարգմանությունն անգլերենից՝ Գոհար Գալստյանի
