Գրանիշ գրական ակումբ

3Sep/100

ՎԱՀԵ ԱՐՍԵՆ / Կանաչ Աստվածների Վերադարձը

Սրճարանային մտորումներ…

և ոչ միայն

Բացօթյա սրճարանը լավագույն փրկիչն է,
հատկապես, երբ
օրը կորցնում է տարեթիվ և խորհուրդ…

շարժվում տիեզերական ներքին-օրենքներով,
ուր մարդը լոկ հետևանք է…

եվ ինձ թվում է, թե անտեսանելի եմ
մարդկային այս օվկիանում,
և իրականություն-ծերություն որսացանցը միշտ
կողքովս է անցնելու,
ամենաշատը` ոտնաթաթիս քսվելով…

Այո, տանից դուրս գալը, երբեմն օգնում է բոլորից թաքնվել…

Տպել

2Sep/101

ԵՐԵՎԱՆ / Գրքի համաշխարհային մայրաքաղաք 2012

Երևանը ճանաչվել է 2012թ. Գրքի համաշխարհային մայրաքաղաք: Այս որոշումն ընդունել է ՅՈւՆԵՍԿՕ-յի ընտրական հանձնաժողովը հուլիսի 2–ին կայացած ժողովում: Հանձնաժողովի կազմում ընդգրկված են ներկայացուցիչներ ՅՈւՆԵՍԿՕ-յից, ինչպես նաև` գրական շուկայի առաջատար երեք միջազգային կազմակերպություններից:

Երևանը տասներկուերորդ քաղաքն է, որը կդառնա Գրքի համաշխարհային մայրաքաղաք: Երևանին նախորդել են Մադրիդը (2001), Ալեքսանդրիան (2002), Նոր Դելին (2003), Անտվերպենը (2004), Մոնրեալը (2005), Թուրինը (2006), Բոգոտան (2007), Ամստերդամը (2008), Բեյրութը (2009), Լյուբլյանան (2010), իսկ 2011թ.` Բուենոս Այրեսը:

Տպել

Նշագրված է որպես: Գրքի համաշխարհային մայրաքաղաք, Երևան Ամբողջը ›››

1Sep/101

ՎԻԼՅԱՄ ՍԱՐՈՅԱՆ / Նարինջները

Նրան ասված էր.
-Երկու ամենախոշոր նարինջները ձեռքդ բռնած կանգնիր փողոցի անկյունում և երբ մոտովդ ավտոմեքենա անցնի, ժպտա ու մեկնի նարինջները: Մեկ հատը` հինգ սենթ, եթե մեկը վերցնեն, երեք հատը տասը սենթ, դյուժինը` երեսունհինգ սենթ: Ժպտա բերանովդ մեկ,- ասաց հորեղբայր Ջեկը,- կարո՞ղ ես, չէ՞, Լյուկ: Դու այդպիսին ես, չես ժպտա, չես ժպտա, մեկ էլ տեսար ժպտացիր, հը՞:
Մեծ դժվարությամբ նրան հաջողվեց ժպտալ, բայց ի պատասխան դրա, հորեղբայր Ջեկը սոսկալի ծամածռեց դեմքը, և նա հասկացավ, որ ժպիտը վատ էր ստացվել: Այլ բան, եթե նա կարողանար սովորել ուրիշների պես բարձր ծիծաղել, բայց, ախր, ուրիշները այնպես ահաբեկված, այնպես ծեծկված չէին, ինչպես ինքը:

Տպել

Նշագրված է որպես: Թարգմանություն, Պատմվածքներ, Վիլյամ Սարոյան Ամբողջը ›››

30Aug/100

ԳՐԱՆԻՇ / Սեպտեմբեր

Հարգելի ընթերցողներ, ամառային արձակուրդներից հետո Գրանիշ գրական ակումբը սեպտեմբերից վերսկսում է արդի հայ գրականության պարբերական ակտիվ հրապարակումները:
Մեր մասնագետները հավաքում և ձեր ուշադրությանն են ներկայացնում ժամանակակից գրականության լավագույնը:
Հետևեք Գրանիշ գրական ակումբի հրապարակումներին և այս սեպտեմբերին կարդացեք ›››

›››

Տպել

Դասակարգված է որպես: Գրական անցուդարձ Ամբողջը ›››

6Aug/1013

ԿՈՍՏԱՆ ԶԱՐՅԱՆ / Ընթերցումներ

Այսօր Սիրահարների այգում կայացավ Կոստան Զարյանի ստեղծագործությունների ընթերցումներ և քննարկումներ: Միջոցառումը կազմակերպվել էր գրողի 125-ամյակի առիթով` մի խումբ երիտասարդների նախաձեռնությամբ:
Միջոցառման մասնակիցները Զարյանի գործերից ընթերցեցին սիրելի հատվածներ, կիսվեցին տպավորություններով և քննարկում ծավալցին իրենց հետաքրքրող հարցերի շուրջ` կապված գրողի ստեղծագործությունների հետ:

Այս կերպ կազմակերպիչները նպատակ ունեին ուշադրություն հրավիրելու Զարյանի ստեղծագործություններին և նպաստել ընթերցանության կուլտուրայի զարգացմանը երիտասարդների շրջանում:

Տպել

Նշագրված է որպես: Գրական անցուդարձ, Ընթերցումներ, Կոստան Զարյան Ամբողջը ›››